馮允謙到尖沙咀1881，為限定店任開幕活動嘉賓。
唱作歌手馮允謙（Jay Fung）應護膚品牌La Mer邀請到尖沙咀1881的聖誕期間限定店「Atelier of Wonder奇蹟夢工場」，為限定店昨晚（4日）的開幕活動擔任嘉賓。
夢幻旅程，由Jay Fung打開奇蹟夢工場的大門啟動，先由禮物盒層叠而成的巨型聖誕許願樹下許下願望， Jay Fung今次在夢工場體驗非凡夢幻之旅，並於店舖門外參與奇蹟夢工場的開幕亮燈儀式。當聖誕燈光亮起，開幕派對正式開始，接着Jay Fung與著名無伴奏合唱組合SENZA A Cappella合作表演兩首經典聖誕歌，包括《All I Want For Christmas Is You》以及《Have Yourself A Merry Little Christmas》，之後Jay Fung再唱出與浪漫的聖誕佳節互相呼應的全新作品《給你幸福所以幸福》，令現場瀰漫著甜蜜的節日氣氛。
馮允謙為限定店進行開幕亮燈儀式，並即場大唱聖誕歌。
Jay Fung透露每年聖誕節，他都會為摯愛親友準備聖誕禮物，他稱：「我揀禮物主要考慮對方嘅喜好和需要，見到對方拆禮物時嘅眼神同埋笑容，對我嚟講好有意義。」出名孝順的Jay當然視媽咪為首選人物。昨晚，Jay Fung與SENZA A Cappella首度合作，精彩表演令觀眾聽出耳油，他興奮地表示：「今次La Mer活動同SENZA A Cappella合作，我非常之非常之開心，因為等咗呢個合作機會好耐！我本身喺自己嘅歌都會加好多唔同嘅Harmony（和聲），所以今次終於可以同一隊咁出色嘅A Cappella group一齊表演，好好玩。」大家合作三首歌曲都是由Jay Fung悉心挑選，他說：「首先係Mariah Carey嘅《All I Want For Christmas Is You》，呢首歌非常經典，每次表演都會全場大合唱，氣氛好好，大家都好開心。另一首《Have Yourself A Merry Little Christmas》，我選唱Michael Buble版本，係我人生最愛嘅聖誕歌，我覺得我把聲適合唱呢個版本，再加上SENZA和音，感覺好新鮮、好特別。至於第三首歌《給你幸福所以幸福》，係我最新嘅派台歌，呢首歌好甜蜜，聖誕節最適合分享甜蜜和愛，希望大家聽到都會感到幸福。」
