甄子丹全家出動，表明日後只拍動作片，不拍功夫片。
甄子丹、張晉、吳建豪等，前晚出席電影《葉問4：完結篇》慈善首映禮，之前揚言不再拍功夫片的甄子丹，再解釋只是不再拍功夫片，但會繼續拍動作片，因為兩者有分別，今次是葉問電影系列第4集完結篇，作為美好回憶，都要有個句號。甄子丹又稱，兒子遺傳了他的武術基因，不但嫌他打得差，還反過來教他。
張晉一到場，甄子丹即祝賀他添丁。
甄子丹的太太汪詩詩，和一對仔女都有到場支持，適逢兒子12歲生日，甄子丹笑說：「帶囝囝嚟睇首映就係最好慶祝，(可有感染囝囝愛上功夫？)囝囝遺傳到我嘅好身手，係兒童跆拳道黑帶，自己唔敢同個仔切磋，怕老婆鬧，而且囝囝嫌我打得差，反過來話教我巴西柔術。」至於兒子可會充當他接班人，甄子丹續說：「佢依家讀書為主，佢有興趣我會支持，不過拍戲唔係大家睇到咁風光，尤其拍打戲，好辛苦。」甄子丹稱，他拍戲時長期有物理治療師在片場，隨著年紀增長，筋絡也愈來愈差，又說：「有時出拳都會令腰骨痛到企唔直，一發作就好痛。」
張晉避談會否擺百日宴
張晉前晚左手中指包上紗布，他表示：「近日學習用水底推進機拍攝，不慎被螺旋槳割傷手指，幸好反應快，只受皮外傷，唔影響幫手湊仔，唯一唔可以掂水、幫BB沖涼、換片。」提到兒子剛滿月，張晉笑指：「時間飛逝，感覺好唔真實，(可時擺百日宴？)到時先算。」