林穎彤(Bella)與信貸公司續任代言人合約，日前她為新一輯廣告拍攝，並以多個不同形象示人。據知Bella拍攝當日帶病上陣，更要應付長達十多小時的拍攝，果然專業。她說︰「其實開拍前兩日突然間病咗，初頭都好擔心會影響拍攝，好在團隊上上下下都好照顧我，加上見番之前合作開嘅廣告團隊，彼此多咗份親切感，所以拍攝過程都好順利同開心。」
另外，今年Bella首次以歌手身份參與樂壇頒獎禮，並在新城電台奪得首個新人獎。她坦言感覺奇怪︰「其實入咗行咁多年，仲話自己係新人，感覺好估怪，都用咗少少時間去適應呢個身份，但最搞笑係我媽咪，佢見我攞新人獎，居然話我：『吓！你仲拎新人獎？係咪重新做人獎呀？』我俾佢激到唔知好嬲定好笑。」
ADVERTISEMENT
請你去迪士尼樂園玩！登記攞飛！
