張致恆(Steven)昨日與雯雯正式簽字結婚，二人穿上禮服，與囝囝一同前往律師樓。出席Steven婚禮除了雙方親友外，還有他的好兄弟張彥博。然而Steven的家姐張詠恩及老公Donald因有工作未有現身，而他的母親身在荷蘭未趕及回港，證婚人由他的父親及雯雯的母親擔任。
註冊儀式完畢之後，Steven說︰「始終係人生第一次，都冇乜點瞓，加上阿仔又唔舒服，唔肯瞓。」問到有沒有準備愛的宣言，他說沒有，但表示︰「用行動去表達自己，一直都呃咗佢好耐，其實我哋上年開始同居。」他坦言當時與April仍未分手︰「呢件事對好多人都好困擾，太太都覺得好困擾。我好想證明俾大家睇，我會做返好，為咗家庭會努力，希望大家俾多次機會我，對唔住，我騷擾咗大家。」
Steven向太太公開承諾︰「我會好錫我太太同個仔，會俾阿仔有一個好好嘅成長環境，會好好愛我太太，一心一意。」太太聽畢微笑說︰「多謝。」對於Twins等人取消關注他，Steven表示了解他們的心情，想向他們道歉︰「我令到佢哋咁嬲咁唔開心，請原諒我。」他又指自己仍有工作，稍後將會到大陸拍戲，現時主力照顧屋企。
ADVERTISEMENT
至抵會員價，名額有限，請火速訂位！
