日前《她她她的少女時代》播出一幕田蕊妮幻想片段，羅天宇騷肌出浴攬實阿田，令觀眾看得熱血沸騰。昨日二人宣傳劇集時，大會安排天宇餵阿田食士多啤梨，怕羞的天宇顯得不知所措。及後二人一齊受訪，阿田就大爆天宇因為做運動谷肌，在拍攝時不停呻吟，令到在旁的天宇尷尬非常。
阿田大爆天宇每次和她開工都非常緊張，她說︰「佢本身性格溫文，同我拍嗰場幻想戲有啲唔知點做，所以叫佢咬唇電下我，呢類鏡頭可以瘋狂啲。(係咪好過拍吳業坤？)佢係廢青，完全唔同feel。」天宇表示不敢翻看那場騷肌片段，大讚跟阿田合作的感覺很正。