湯寶如開騷嘆囝囝唔肯撐場

湯寶如今日開記招宣布，於10月14日在麥花臣舉行一場演唱會，她表示去年灌錄了4首新歌，更首度與伍樂城、黎小田等音樂人合作，希望帶給歌迷新的感覺，不過新歌不會派台湯，只會在音樂會中獻唱，亦未決定會否出唱片，但會考慮出hifi碟。

湯寶如稱，今次演唱會純粹係以歌會友，不打算加場，免得帶來太大負擔，問她兒子會否捧場，湯寶如無奈說：「應該唔會喇，因為平日要返學，就算平時我喺屋企練歌都俾佢叫停，要我返房唱，淨係聽英文歌。所以惟有趁佢返學自己先唱，佢放假就唔搞佢，不過我都慣咗啦，佢好少嚟撐我。」下月4日是她48歲生日，湯寶如最初計劃在生日開騷，只可惜沒有檔期。