阮民安(Tommy)多次就反修例事件發表意見及參與遊行，昨日他再次現身遮打花園參與「香港人權與民主祈禱會及遊行」，沿途不少市民高呼他的名字，並握手多謝他對港人的支持。Tommy表示今次遊行與過往的不同，希望美國方面知道香港人是堅持「五大訴求 決一不可」。
Tommy再次現身遊行隊伍，並與在場人士大叫口號。
提到他多次參與遊行及對政治表態，令到太太Eva在大陸的工作被取消，他直言絕不後悔。他指繼上月被取消出席時裝騷之外，月底在上海開設pop up舖的計劃亦會告吹。他說︰「不過唔會阻我出來撐香港人嘅決心，香港人咁團結為自己爭取返自己嘅嘢，喺呢一刻我唔可能為咗任何利益，任何金錢，所謂失去一啲金錢而唔企香港人呢邊，我覺得係一個好x街行為。如果仲扮睇唔到，講風涼說話，可能好多人做到，但我做唔到，希望大家加油，大家一直支持下去，我Tommy都一定喺度！」
對於Eva的微博被內地網民不停攻擊，他說二人並未因此而退縮，Eva依舊和網民分享生活日常。他說︰「其實有大陸人知道香港發生咩事，唔知可以改變到佢哋幾多人思想，我哋都會盡力，慢慢等佢哋知道香港人嘅訴求。雖然有啲難，但兄弟爬山，各有各做，出得一分力就一分力！」
在場不少人向Tommy打招呼，多謝他的參與。
ADVERTISEMENT
【👇送3M靜電空氣濾網體驗包4包👇】
