傳搭上男友兄弟江嘉敏IG反擊

江嘉敏入行以來，曾與不少男藝人傳出緋聞，當中和人夫王浩信的緋聞最為人熟悉，及至她公開與電競公司高層Anthony相戀之後，緋聞才告一段落。不過，昨日有指江嘉敏搭上Anthony的生意拍擋，不但想對方打本50萬予她開琴行，二人更計劃借公幹之名到日本旅行。

江嘉敏昨日在IG發文還擊，更點名鬧造謠者，她說︰「你點搞我同我男朋友呢，都唔會有任何影響嘅，不過呢，你係都要冇嘢搵嘢玩，搞下我屋企，又搞下我工作呢，我就真係會嬲喇！我同男朋友都預咗呢一日，你會cap頭cap尾，又話我媾你又話我呃你錢！夠膽就唔好cap頭尾，俾全部嘢人哋睇嘛！仲要夠膽做，唔夠膽面對！嗱嗱聲block晒我同男朋友！其實都知你咩事嚟喇！」之後她寫下對方全名，並謂︰「X咩先生吖扮神秘？成日都話想出名，好啦，如你所願喇！」