李亞男昨日出席護膚品牌活動，談到有傳黃曉明與Angelababy婚姻出現危機，李亞男早前與二人一起出席內地中秋活動，她表示不清楚他們婚姻狀況，又指不會八卦去追問。
李亞男表示囡囡是大隻B，又大讚囡囡是天使，不會扭計。
說到日前她和王祖藍夫妻檔出席中秋晚會，李亞男說：「好感恩每次同老公一齊活動，可以不停騷恩愛，始終中秋節，可以同鍾意嘅人一齊就開心。」談到同場還有黃曉明與Angelababy，但二人選擇分開表演，令到婚變傳聞愈演愈烈，李亞男稱：「自己唔係好清楚，而且簽咗保密協議，大家好少響後台傾偈，所以冇同佢哋接觸，亦都唔會八卦問人哋呢啲嘢。」
李亞男稱，自己比較貪靚，生完女兒Gabrielle後，肌膚出現了很多斑和細紋，所以現在都很努力做美容，她有時候也會幫老公王祖藍護膚：「佢會瞓響度，我幫佢卸妝、清潔和敷面膜。」李亞男又指，在家的時候，王祖藍負責和Gabrielle玩，女兒現在會咦咦啊啊地學講話，而且很活潑好動，喜歡站著或是爬來爬去，所以李亞男笑言一直有向女兒洗腦：「我不斷對佢講媽媽、媽媽，希望佢先叫我先。」問到會否生多個，她說︰「呢幾年啦，生仔當然好，就算係女都冇所謂。」
李亞男早前孖祖藍上大陸節目，大晒恩愛。
ADVERTISEMENT
【👇送3M靜電空氣濾網體驗包4包👇】
