林子博離開無綫之後，今日到電台接受訪問兼為一活動擔任主持工作。他表示獲得不少朋友相助，感到人間有情。他表示獲大廈業主立案法團主席送贈5位數字支票，他說︰「平時見佢鬧人多，估唔到見到佢感性一面，佢俾咗張5位數字嘅支票我，同我講小小心意，我行街經過啲舖頭，唔識嘅老闆都同我講加油。」
他稱古天樂也曾致電給他了解情況︰「我同古仔同期出道，佢問我ViuTV嘅《地產仔》導演搵咗我未，呢個劇係佢介紹，導演搵仲俾咗兩個角色叫我揀，我同佢講導演覺得邊個適合我就拍邊個。」
雖然工作排得滿滿，但子博表示仍未足夠應付每月支出︰「又要租樓，又要應付太太醫療開支，希望繼續有工作機會。 」
ADVERTISEMENT
至抵會員價，名額有限，請火速訂位！
