大馬開騷喪食陳柏宇唔敢騷肌

陳柏宇(Jason)日前將其《SPEECHLESS演唱會》，帶到馬來西亞吉隆坡舉行，他特地提早到當地密集式宣傳，又期待乘機在當地嘆美食，可惜為了養聲和保護喉嚨，未能盡飽口福，但「就住就住」食的Jason，在短短3天行程中已激增3磅，令他不敢在樂迷前騷肌。

一如之前舉行的場次，Jason以《霸氣情歌》、《I Miss You》等大熱作品，為演唱會揭開序幕，之後與觀眾打招呼時坦言很緊張，Jason又補充說：「最好就係每年都返嚟啦！」𠱁得觀眾非常開心。演唱會尾段，不少歌迷叫Jason除衫騷肌，但他笑指自己因為食肥咗，所以婉拒fans要求，他說：「你哋知唔知我只不過嚟咗馬來西亞3日，我重咗3磅！如果我有身材嘅話呢，我係唔介意除衫嘅……除住鞋先啦！止住渴先好唔好？」Jason亦真的即場脫掉鞋履，並笑言下次有機會再滿足fans的騷肌要求。