張栢芝、舒淇現身澳門活動，造型各有「特色」。 (林俊源攝)
「水舞間」活動今日（7日）假澳門新濠天地君悅酒店舉行，一眾嘉賓先後踏上盛會藍地毯，嘉賓計有Rain（鄭智薰）、劉嘉玲、李冰冰、舒淇、陳慧琳、張栢芝、林嘉欣、蔡卓妍、魏浚笙（Jeffrey）、周柏豪、于適、胡杏兒、郭書瑤、劉濤、倪晨曦、方力申等，場面墟冚。
盛會上，謝霆鋒前妻張栢芝穿紅裙襯上白面妝登場，一身「炒車」配搭相當矚目。反觀舒淇的打扮較為養眼，今日她穿上銀色晚裝閃爆搶fo ，露出事業線之餘，受訪時又嘟出性感金魚嘴。
日前迎來49歲的舒淇，在活動上接受了中港台傳媒訪問，問到有否去旅行慶祝生日，她自言最近比較忙，所以冇出時間出外面玩，至於會否跟老公補祝，她稱：「日日都係情人節。」談到久未有影視新作，舒淇大賣關子，只答：「嚟緊會再公布囉。」今次來到澳門都會爭取時間打卡，想一嘗登上「8字形摩天輪」，形容馬交是個「麻雀雖小，五臟俱全」的城市，既繁華又有特色。
ADVERTISEMENT
【開APP領取】免費換領麥當勞叔叔之家利是封及揮春
