去年亞姐三料冠軍陳美濤，今年再戰亞姐，由冠軍變季軍，但她指是全球總選，所以她是全球總季軍。(娛樂組攝)
亞洲電視控股（ATV）於上月底舉辦的《第35屆亞洲小姐競選全球總決賽》無聲無息地結束。然而，亞視總令人帶來驚喜，因為今之竟誕生了2個亞軍3個季軍和1位冠軍，而季軍得主之一是去年亞姐冠軍陳美濤。昨日陳美濤與許嘉浩等出席「第36屆香港同志影展」時被問及此事時，她妙語連珠，談到亞視被入稟清盤，隨時成最後一屆亞姐，陳美濤更自嘲自己將成為溥儀。
陳美濤訪問超爆笑，連許嘉浩在旁也笑到彎腰。（娛樂組攝）
陳美濤獲傳媒恭喜她成為全球季軍之一時，她亦笑謂是值得恭賀，對於由傳統的三甲變六甲，她笑住表示當下聽到名單時大感驚訝：「因事前唔知有幾多個獎，你知亞視係一個令大家、令港人同佳麗都好開心嘅地方，所以比較多獎。」
由於她是去年的亞姐冠軍，為何又要再選一次時，她指去年參選的是亞姐香港區比賽，參賽時已知勝出後要再參選全球總決賽，所以她是先後參與地區賽及總決賽。
大會設13個變項，參選的有31人，一半佳麗都有獎拎，真係皆大歡喜。
談到為何會1個冠軍、2個亞軍及3個季軍時，她說：「因事前唔知有幾多個獎，你知亞視係一個令香港人好開心嘅地方，都令佳麗好開心嘅地方，所以佢嘅選美係比較多獎。其實都幾好呀！我以前代表香港參加其他國際比賽，前十名都有后冠。咁按比例，30個人咪6個三甲，15個人咪3個三甲，ok嘅！比例上係OK，最緊要令大家開心。」
問到是否大會的解釋，她說：「大會冇咁講，但我幫佢兜嘛！哈哈！係幫6位兜！我去之前都唔知，不過知咗都會去選。」問到她的家人得知賽果之後感受如何，她說：「我媽成日都好驚訝，由我攞冠軍嘅時候，已經問啲評判係咪盲咗，我話唔係！佢之前又擔心我去東南亞旅行有危險，會send啲新聞俾我睇，話相貌平平嘅女子，就會俾人掉落公海做垃圾，所以我媽一向對我有呢個睇法。」
陳美濤由去年香港區冠軍，變成全球季軍，真的要說句「我真係恭喜你呀！」
談到正停牌的亞洲電視控股有限公司，日前遭一名債權人入稟高等法院提出清盤呈請，她將會變成最後一屆亞姐，她秒回說：「我咪變溥儀囉！作為一個歷史學者，我就唔想做溥儀，但亞視清盤呢啲新聞年年都有，清咗咁耐清咗未呀？亞視永恆㗎嘛！呢啲嘢（被入稟清盤）日日發生，就好似廁所壞咗，唔通下下都通知你咩。」
問到日後的工作安排，她說：「主要安排做主持，因為我都擅長做主持，你見我擅長幫人兜嘅！就算要拍戲、拍廣告，我都係演主持，係個人限制嚟嘅。」
陳美濤笑指亞視是永恆，一直被清盤一直都未清到。（娛樂組攝）
ADVERTISEMENT
【開APP領取】免費換領麥當勞叔叔之家利是封及揮春
