杜汶澤拖欠程美段薪金一事，雙方各執一詞，最後程美段憑一個錄音證自己清白，最後阿澤在網台的官方專頁登道歉聲明，另外在其個人Facebook公開表示撐事件失誤的豪仔。
不過，網民仍然不滿，不停在網上攻擊，最後杜汶澤在直播節目安排「 杜狗親身道歉環節」。阿澤在節目一開始，先後5度鞠躬向程美段以及過往被他罵過的人道歉，現場還有田蕊妮在旁見證老公認衰的一刻，沒想到的是今次引來過萬觀眾收看！有網民認為今次阿澤與程美段的勞資糾紛，意外達到另類宣傳效果，令阿澤的網台得到更多人注意，亦有人認為阿澤的道歉夾雜不少粗口，欠缺誠意。然而，當事人程美段欣然接受對方的道歉。
阿澤道歉全文如下︰
「我自細都覺得呢個世界好唔公平，所以我自細有個夢想就係成為英雄，可以伸張正義、為民請命。後尾我發覺原來我把口幾叻，尤其是X人嗰陣，即係俗稱『幾X得』。後來我覺得原來X人都可以伸張正義，咁XX下就嘗試到啲甜頭，有咗嗰種成就感，『X中咗都幾過癮喎』。於是乎培養咗我好鍾意X人嘅習慣，正所謂『係又X唔係又X、識又X唔識又X』，我意思係把口啫。咁X下X下就慣咗。有時會X啱人，有時會X錯人。
最近就X錯咗人啦。所以我今日鄭重向程美段小姐道歉。關於我話程美段小姐同記者講，話係『博見報』，我就呢一句說話係講對唔住。而我公司應承咗你一個禮拜就有錢俾你，結果係三個月之後先俾到你，我喺度同你講對唔住。我叫人哋小心你、儘量就唔好用你，係我唔啱，對唔住。我對你所有嘅指控，我都覺得我係錯嘅，對唔住。
唔單只係程美段小姐，我對一生人入面所有我X過嘅人，無論我X啱你、X錯你，都同你哋講對唔住。除咗中國共產黨。所有嘅人我都喺度同你哋道歉。
舉頭三尺有神明，我今日喺關二哥面前發誓，我杜汶澤，以後唔再X人。人哋有金盆洗手，我今日金盆洗X，以後唔X人。」
ADVERTISEMENT
【👇送3M靜電空氣濾網體驗包4包👇】
