川式炸雞漢堡，唔食牛又想食漢堡就最啱。
問月酒店西班牙餐廳Supergiant Tapas & Cocktail Bar又推出全新周末尋味早午餐，今次餐廳總廚陳家俊於西班牙菜的基礎上Fusion亞洲風味，令味道更加突出。前菜包括傳統西班牙麵包配鮮磨番茄、青咖喱蟹肉丸子，微辣香料配以酥脆口感、煙三文魚黑松露蜜糖、日式燒肉凱撒沙律等，更可加$150配意大利Royal Siberian Acipenser Baerii黑魚子醬，配搭帕尼尼餅、細香蔥、雞蛋、小蔥及酸忌廉，再加一杯Cava Pere Ventra Primer Brut Reserva氣泡白酒。
主菜可以揀安格斯牛肉漢堡，配以自家製甜椒醬及薯條；川式炸雞漢堡，咬下脆味無窮的炸雞，舌尖上隨即縈繞着川味口感，為「無辣不歡」的饕客帶來滋味刺激，而主菜亦可升級，加$160則有原隻波士頓龍蝦賓尼迪蛋，龍蝦肉質彈牙爽口，蘸上流心賓尼迪蛋，的確是另類享受。飽肚之選有烤澳洲穀飼肉眼扒、西班牙臘腸大蝦海鮮麵，主廚按當日新鮮時令入饌。最後有日本宇治抹茶熔岩撻或傳統西班牙Churro配辣椒朱古力醬作結。
Supergiant Tapas & Cocktail Bar│銅鑼灣謝斐道388號問月酒店3樓│2643 8875
全新周末三道菜早午餐，每位$268起
逢星期六、日上午11時30分至
下午3時供應
西班牙臘腸大蝦海鮮麵，材料新鮮兼份量十足，食完飽足大半天，大胃王不二之選。
ADVERTISEMENT
