鍾鎮濤與宣萱有《巨塔之后》有咀戲。(娛樂組攝)
由宣萱、鍾鎮濤、陳展鵬、陳煒、劉佩玥等主演的《巨塔之后》昨日(29日)首播。鍾鎮濤談到今次為無綫拍劇，他感覺不錯，坦言沒想過劇集播出會有首播活動，他亦有留意內地fans給他的評語。他說︰「比預期開心啲！因為隊crew都好開心，又可以去埋布拉格，其實咩都試下，今次唔算辛苦，我要嘅條件都俾足。(再搵你拍都OK？)咁就睇下點啦，如果係《巨塔之王》就梗係拍啦！」
鍾鎮濤跟宣萱有一場咀戲，宣萱稱當時鍾太也有監場，沒料到鍾鎮濤說︰「鍾小姐都係現場，佢仲叫媽咪睇下！不過佢哋明嘅。」宣萱表示也沒想過鍾鎮濤會接拍劇集，而且大讚對方的表現非常好，出來很有氣勢。
鍾鎮濤表示今次拍攝被比預期開心。(娛樂組攝)
談到鍾鎮濤被拍到在北京睇樓，有指是為了鍾㦤在北京上學而置業。他說︰「佢喺個度讀書，要搵個地方俾佢住，希望佢可以專心讀書。搵到個單位，依家佢有媽咪陪住，我得閒都會上去住，唔使下下住酒店。」他稱自己一直住在香港，因為工作需要四圍飛，如今囡囡在北京住，自己也會多些上去陪囡囡。
《巨塔之后》舉行首演。(娛樂組攝)
談到囡囡鍾㦤出道，又獲北京電影學院取錄，成為導演系研究生，問到評價如何，鍾鎮濤笑謂︰「佢表現幾好，佢喺短時間內做到好多嘢，希望佢之後可以做搖錢樹！哈哈哈哈！不過應該無咁快，我都有俾意見，聽唔聽在於佢，因為年輕人有年輕人諗法。佢雖然唱歌，但就讀導演，到第日佢做導演，我可以演佢嘅戲，亦都希望第日有人叫我做『鍾㦤個老竇』。」
ADVERTISEMENT
立即更新/下載AM730手機APP 體驗升級功能
