林子祥(阿Lam)於紅館舉行的一連五場《LaMusical》演唱會，前晚完滿結束，吸引一眾圈中好友支持，當中包括如彭羚、周慧敏、莫文蔚等。阿Lam指，能夠舉辦音樂劇演唱會已經圓夢，其妻葉蒨文(沙麗)指，感動到「喊咗個泳池出嚟」。
闊別紅館舞台3年的阿Lam，這次以音樂劇形式舉行演唱會，在完騷後接受訪問時說：「今次算係圓夢。」為演唱會擔任藝術總監的沙麗坦言說：「每場完咗騷佢返後台時都喊起嚟，喊乾晒啲眼淚啦，台前幕後工作人員嘅淚水，加埋有一個泳池咁多。」阿Lam表示：「我愛上咗每一位參與嘅歌手及演員，佢哋演得非常出色，響台上嘅感情非常令我感動。」
阿Lam稱，非常喜歡林德信、小肥及胡琳的演出。
專心完成阿Lam個騷才考慮再唱
沙麗透露，很多台前演員，雖然發燒但仍照樣演出，沙麗續說：「我自己都發燒，不過怕阿Lam擔心，所以冇講出嚟。」這晚有份演出的鄭丹瑞，宣布阿Lam的演唱會將本月於4個地方巡迴演出，問他會否不夠休息，阿Lam表示：「唔會，依家開始休息。」問到沙麗何時再開個唱，她笑言：「先俾我瞓返一個星期先，其他嘢唔諗住，先做好咗阿Lam個演唱會先。」
嘉賓鄭丹瑞宣布，阿Lam的《LaMusical》演唱會，本月會在4個不同地方巡演。