現今唱片市道艱難，但張敬軒就憑住《Dahlia II》及《Senses Inherited》獲頒金唱片成績，軒仔更自掏銀包在日本印製5張《Senses Inherited》水晶唱片作慈善拍賣，之後會不扣除成本全數捐贈到慈善機構，以回饋社會。
提到早前以「火龍果」身分惡搞Joey的MV，軒仔謂不太擔心形象，更笑言「火龍果」、「降兩度」分分鐘比起「張敬軒」更多人認識。
對於好友關智斌(Kenny)被狂迷入屋騷擾，軒仔表示一早知情，他說︰「我聽佢本人講過，佢係撳晒全幢嘅鐘，如果開到門俾佢就大件事，嗰日我都有建議佢報咗警先。」他透露有證據控告該名狂迷恐嚇，又謂歌迷不要過份透過想像力融入自己的世界，並指事件並不是第一次發生。他說︰「以我所知已經發生過好幾次，仲曾經喺Kenny屋企樓下等7、8個鐘。」
ADVERTISEMENT
