今年是容祖兒入行二十年，早前她遠赴美國拍攝音樂特輯《LOVE IN L.A.》，而該特輯亦於剛過去的周日播出。祖兒不但到當地著名錄音室重新錄製在她路上最重要的歌曲，還到海邊busking，又嘗試用一百美元買歌衫，甚至親自為團隊下廚，並自爆她入廚的原因只有一個，「就係拍拖。」
祖兒今次選擇在洛杉磯拍攝，她說這個地方與她有很大的淵源。她說︰「最印象深刻一定係我啱啱出道時我媽咪陪我嚟呢度受訓，我阿媽好搞笑咁話：『當年我同你去美國時嘅年紀，就係你而家嘅年紀。我好開心，到而家仲可以睇到你呢個節目。』我都唔知好嬲定好笑，因為真係唔一定可以睇到㗎嘛，都廿年啦，所以我係懷住一個好開心嘅心情去拍呢個音樂特輯。」