Gigi稱，收到女兒遲來的母親節禮物時，不知好嬲定好笑。
汪詩詩、梁詠琪(Gigi)、文詠珊等，昨日出席環保運動啟動禮，兩位媽媽詩詩與Gigi，都指有教導小朋友保護環境，而剛過的母親節，兩位媽咪都有收到仔女所送的禮物，但Gigi卻遲了兩天才收到，令她哭笑不得。
Gigi稱，從小培養女兒Sofia環保意識，所以Sofia雖然只有四歲，但已經明白環境保護的重要，Gigi說：「Sofia如果知道去超市，而我唔記得拎環保袋，佢就會提醒我。」而詩詩前日就帶兒子一起去做義工：「佢本來放假自己安排咗節目，不過我同佢講，去做呢個工作好有意義，佢就一口答應。」談到兒子現在長大，開始不願意與父母一起出門去玩，詩詩坦言有點難過：「我當然希望一直同佢哋一齊，不過小朋友都有自己嘅生活圈子。」
擔心甄子丹拍戲受傷
提到剛過的母親節，Gigi稱，女兒Sofia忘了把禮物送給她，她續說：「學校教佢做咗心意卡同一個化妝袋，今日執書包時，佢先醒起送俾我，雖然遲咗兩日，不過總比冇嘅好嘛。」汪詩詩就表示，兒女準備了表演節目送給她，而老公甄子丹，雖然忙於拍攝新戲，但當日亦有趕回來食飯慶祝，她說：「老公送咗部新手機俾我，叫我影多一啲靚相喎，我有去探過佢新戲班，今次有好多好新嘅動作場面，打得好厲害呀，我都有啲擔心，所以叫佢小心啲囉。」
ADVERTISEMENT
【👇送3M靜電空氣濾網體驗包4包👇】
