股東力爭長者免費乘車　馬時亨「射波」：我請金總裁答你

港鐵主席馬時亨今早主持任內最後一個股東大會，焦點落在他與小股東的妙問妙答身上。有長者股東向馬時亨「翻舊帳」，指在2016年曾在同一場合問過對方可否讓長者免費乘搭港鐵，當時馬聲稱要考慮，現時到底可否豁免兩元車費，馬時亨卻未有正面回應，「你嘅建議呢，或者我請金(金澤培)總裁答你，因為金總裁新官上任」，該股東聞言即批評馬時亨的做法「射波」，「你交波打橫踢咗過去，你唔係向前踢喎。」

港鐵行政總裁金澤培回應指，希望各種優惠惠及不同乘客層，其中長者及學生是最重視的乘客群，以兩元乘車為例，政府只補貼2億元，港鐵補貼10億元，該股東聞言亦不「收貨」，指「唔好講呢啲嘢啦，我哋成日話香港人進步過大陸，又話我哋叻過佢哋，人哋大陸長者60歲，斗零都唔使搭車⋯⋯我哋都仲係咁落後」。

有股東亦關注到東鐵綫月台幕門遲遲未裝好，導致每年都有人因墮軌而被輾斃，促請港鐵加快興建進度，「呢啲係幫你哋地鐵當係積德」，認為沿線的彎形月台非拒裝幕門的藉口。