大埔宏福苑五級火｜女童痛失珍藏絕版公仔 媽媽網上求助 網民聯手尋公仔
大埔宏福苑發生五級火，7座大廈失火，致使無數居民一夜間頓失家園，無數回憶及珍藏皆化為烏有，全城悲痛。最近一群網民發揮守望精神，為一名女童尋找因火災失去的珍藏絕版公仔，即睇詳情。
網民發帖求助 尋一停產珍藏公仔
大埔宏福苑五級大火釀成嚴重傷亡，火勢在短時間內波及鄰近多幢大廈，不少住戶屋內珍藏皆付之一炬。近日就有網民於社交平台上發帖求助，希望為一位宏福苑媽媽尋回女兒的期間限定珍藏絕版公仔，指當年女童媽媽買下這隻公仔「都係搵勻全世界，網購自台灣嘅唯一一隻」，希望可以得到網民幫助，為這位女童重新買一隻。
圖片來源：Threads
網民聯手尋公仔 二手平店見到即落單
帖文一出，網民得知後立即行動，在不同網站上四出幫忙尋物。帖文發出不到一日，隨即已有數十名網民加入。有網民發現日本二手平台Mercari有同款米妮賣出，一位身處日本的港人隨即落單：「我local買好方便，到咗香港再夾下點樣交收。」
亦有網民留言表示願意幫手帶貨：「黎緊10幾號會返一轉香港，到時可以直接帶回港交收」，亦有人表示可以幫忙寄順豐，「有需要的話PM我，唔額外收任何代購費」。
事後帖主留言感謝各位幫忙，同時坦言，帖主和媽媽未知女童收到公仔後會否勾起負面情緒，但希望女童收到公仔後，可以令她開心，「總好過佢成日諗住『我最鍾意嘅米妮唔見咗』」。目前除了米妮公仔已成功尋回，帖主亦正繼續幫女童尋找另一隻同樣在火災中失去的公仔。
圖片來源：Threads
ADVERTISEMENT
激送Monchhichi維港海陸嘉年華入場券！
