苑瓊丹在《PTU機動部隊》飾演林峯「爛賭」母親，苑仔在拍攝時，除了即場爆肚之外，還有時大講黃色笑話，苑仔表示：「我都唔記得有講過『黃色笑話』，成日都『爆肚』。今次合作班底、導演都好熟，佢哋好放手畀我去改、去做，導演有時仲會打電話給我，話聽日場戲想諗諗有咩搞，務求每場戲都有精彩嘅部分，好多謝大家對我信任。」
其中有一幕講述黑幫為威脅林峯， 綁架苑仔用吊車把她吊在十層樓高半空，雖然驚險，但拍攝期間苑仔堅持親自上陣，事後她表示：「而家嘅威吔好似麻繩咁粗，唔會驚，加上幕後工作人員同我好熟，唔會整蠱我，我都好放心拍攝呢場戲。」
苑仔透露為配合「爛賭」造型，她亦出動私伙耳環，她說：「劇中我戴住隻關刀耳環，賭錢嘅時候就劈劈劈，呢隻玉造關刀耳環，係我開拍前特登花了五千蚊買回來，呢隻關刀耳環由一千蚊到五千蚊都有得賣，我有朋友話隻耳環用來拍戲，唔需要買太貴，幾百蚊買隻就得，不過我對自己係有要求，所以買咗最貴嗰隻。」
ADVERTISEMENT
【👇送3M靜電空氣濾網體驗包4包👇】
