Janice Man文詠珊產後首現身 極速修身穿旗袍出席婚禮
現年36歲的「𡃁模始祖」文詠珊（Janice Man），由模特兒成功轉型演員，仲試過連續兩年獲得金像獎最佳女配角提名。Janice Man與富三代老公吳啟楠（Carl）於2019年結婚，婚後與老公長駐上海，但仍堅持幕前工作。去到今年9月，佢突然喺社交網站上載一張BB腳仔嘅照片，無預警下宣布已經誕下BB，升呢做人母。日前，佢出席商人張俊傑婚禮，產後首次露面嘅佢容光煥發及已極速修身，身形同生BB之前差別不大。
親民文詠珊與賓客合照
文詠珊出席商人張俊傑婚禮，新娘子係被譽為「最美光二代」嘅高海純，據知新郎新娘兩間上司公司嘅合計市值逾600億元。當日文詠珊著上粉紅色刺繡旗袍風嘅中式裝扮，如古典美人，產後首次露面嘅佢容光煥發及已極速收身，當晚更被唔少現場賓客認出，並親民地與賓客合照。
原文刊登於 Yahoo 娛樂圈
ADVERTISEMENT
【開APP領取】免費換領麥當勞叔叔之家利是封及揮春
