【留名等睇】搵杜汶澤做護膚代言人廣告商有嘢講

杜汶澤的網台愈做愈出色，尤其是他諷刺時弊的二次創作歌曲更好評如潮。有廣告商睇中看中阿澤貼地又幽默的形象，邀請阿澤作為品牌代言人。他們表示阿澤是最能代表大部分香港男人，由他來作代言人，可以真正表達男人的心聲，加上品牌的理念與阿澤勇於打破的形象絕對不謀而合，於是選擇阿澤作為品牌代言人。

阿澤今次是首次代言護膚品，向來搞笑抵死的他更「質疑」廣告商，「我都有問番尊貴客戶：『你哋會唔會搞錯呀？係咪搵錯人呀？哈哈。』佢話其實佢哋喺日本都係搵開搞笑藝人做代言嘅。」除了拍攝廣告，廣告商更睇中阿澤歌喉，搵佢唱埋廣告歌，「可能而家每個禮拜喺我自己個網台報新聞時，我都會錄首歌嘅關係，以至到有廣告商搵我嚟唱歌，真係犀利呀，呢次真係揚名立萬呀喂！」問他拍護膚品廣告有冇難度，他笑言：「大概就係我太過熱情嘅關係，所以導演成日喺我唱歌嘅時候夾硬嗌cut，然後同我講：『夠啦！』」