側田於6月舉行個唱，他說過會為演唱會度身整歌，側田今日找數喇！新歌《完全變態》將於明天派台，MV亦會同日在側田官方的youtube channel首播。
講到新歌《完全變態》MV，今次側田以白色底衫及運動褲造型示人，連帽都不可以戴，原來是要被淋到滿頭顏料，側田說：「淋上頭嘅係廣告彩，雖然比油漆易洗，但淋到成頭係，入晒耳仔，咁我唱住咁夾口型，結果成口都係，原來廣告彩食落口係苦苦哋，唔似香口膠，第一次食廣告彩。」
由於現場沒有沖身的地方，在場工作人員及化妝師事前準備定毛巾及盛滿清水的水桶，讓側田完成後可以即刻沖洗，問他廣告彩有沒有令他皮膚敏感，他說：「初頭冇，只係覺得好凍，一堆堆嘢撻咗落個頭再流落身，拍完之後，先發覺頸起咗一粒粒紅點，化妝師話有少少敏感，不過，拍得好乜都冇所謂啦！」MV花了4小時便完成拍攝，因為過程不多，而且不能重拍，只可一take過，不過側田笑言：「話就話一take過，淋嘅時候個位唔啱，啲槳流得唔好睇，都係一路補一路淋，愈淋愈興奮，搞到我真係好似變態咁。」
ADVERTISEMENT
送健之堂舒壓好眠足湯 x 石墨烯足浴袋
