周家怡預告性感現身金像獎林保怡︰唔准露太多

林保怡與周家怡近日因為工作關係，頻頻見面，二人昨日出席活動時，保怡笑言擔心與對方傳緋聞。提到周家怡入圍金像獎角逐女配角，保怡更搶答說︰「緊張！我好緊張呀！」

保怡表示因為與周家怡有不少共同朋友，所以不時在飯局碰頭，坦言希望「少啲孖住出現」避免傳出緋聞。周家怡就自爆說︰「有時飲醉咗又會攬住！」保怡聞言立即說道︰「我哋思想比較保守啲，只係飲少少紅酒，唔係飲醉咗，飲多少少就開心囉，可能就有緋聞啦！」

周家怡憑住《無雙》獲提名金像獎「最佳女配角」，身旁的林保怡替她緊張，她說︰「依家日子近啲都有諗下，但平常心，入圍已經當自己贏咗。文念中幫我設計件衫，佢太睇得起，整咗件大Deep V，前面又冇乜嘢睇，型型哋就算啦！」在旁的保怡則搞笑說道︰「唔好露咁多，留番俾我下套劇喎！」