莊思明指，不知楊明買封箱膠紙有何用，但自己就未試過給對方捆綁。
關寶慧、莊思明、劉美娟、向海嵐、孫佳君等，前晚為節目《流行經典50年》錄影，莊思明與楊明已拍拖三年，但男方一直未有求婚，莊思明在訪問時更說，楊明十分大使，而且有另類怪癖。
莊思明指，和楊明拍拖三年覺得時間過得很快，問到楊明有否向她求婚，她笑說：「唔會咁快，又唔會好耐，三年又三年我真係頂唔住。(會否三年內結婚？)應該會，不過佢未求婚，戒指都未買呀。」莊思明又稱，自己算是知慳識儉會儲錢，但楊明則非常大使，而且有另類怪癖，她續說：「男仔多數都係買下衫褲鞋襪，佢就好鍾意買傢俬家品，最不可思議就係買好多卷封箱膠紙，仲會買好多唔同款式。(楊明是否有另類癖好？)佢未試過捆綁過我，佢應該買嚟執屋時用，其實我日日都好似烏蠅咁，響佢耳邊哦佢買少啲。」
談到出席舞台劇獎頒獎禮的戰衣，關寶慧說會選擇旺自己的綠色衣服。
關寶慧封后拍即擺酒慶祝
關寶慧憑舞台劇《她媽的葬禮》角逐《第28屆香港舞台劇獎》頒獎禮的「最佳女主角(喜劇/鬧劇)」，她稱因是其演藝生涯的首度提名，故此心情很緊張，她說：「真係冇咩信心得獎，因為兩位對手係邵美君、黃詠詩，佢哋相當強勁，雖然都係我師妹，不過都係演出經驗豐富，又曾經得獎過好多獎嘅出色女演員。」關寶慧笑指，若自己的得獎會當結婚生仔般設宴，她續說：「我會擺酒派紅雞蛋、豬腳薑慶祝。」
ADVERTISEMENT
至抵會員價，名額有限，請火速訂位！
