軒仔稱收到這部iPhone時極感動。
粉絲送禮俾偶像是常見的事，平有平送，貴有貴送，fans都是希望可以令到偶像開心。張敬軒今日在IG分享了他收到的禮物，他以為有fans大破慳囊送贈iPhone，心疼對方為他破費，但別人一番好意不好意思拒絕，於是打開個盒看看。
「既然人哋一番好意就唔好拒絕啦，啲電器擺得耐都會壞㗎！點知 我一打開，我變咗隻澳洲樹熊 #唔_係啩 #金莎嚟嘅」並指盒內有8粒金莎之餘，還要有塊鐵板扮重，而且fans更附上收據，可說是做戲做全套，令軒仔的心情尤如坐過山車一樣。事後軒仔不忿自己受騙，留言話︰「正所謂有仇不報非君子」、「 亞叔你哋都呃真係好冇陰功」，他更揚言下次出碟，會用光酥餅取替。
由於軒仔這單騙案，實在太好笑，除了引來網民留言恥笑外，還有一眾圈中朋友，就連李司棋都有份留言！阿Sa說︰「人哋花咁多心思嚟呃你 都呃得抵啦」; 何韻詩︰「無咗封膠你都收，正懵炳」，因為軒仔在IG的留言分別引用了幾位藝人在電視劇的語氣，司棋姐見軒仔寫錯，於是留言更正，她說︰「雖然好慘豬，但請留意李司棋真情是善姨腔，阿家由萱姨黎萱飾演。」
ADVERTISEMENT
送健之堂舒壓好眠足湯 x 石墨烯足浴袋
