基仔騎著時光機半空出場
一連四場《古巨基我們世界巡迴演唱會香港站》part 2昨晚於紅館開鑼。一開場古巨基騎著時光機吊在半空現身，當時光機降落時，台上噴出煙霧，基仔笑問：「點解今晚架時光機咁大煙嘅？我又嚟到紅館呀！」
今次個舞台特別加闊
由於基仔在part 1時不慎從台上跌落窿，今次舞台不但加闊，更有不少舞蹈員傍實。他說：「等班外星人帶我行開少少先⋯⋯無論有冇嚟都知上次有少少意外，就係呢個窿，今次個舞台闊好多，打觔斗仲得，惟有坐少兩行觀眾。」他又表示過往開騷，大家跟他說得最多的是「Good Show」、「加油」，今次就有不少朋友著他小心、「睇住個窿」，大讚大家很有愛，並搞笑叫現場觀眾嗌：「睇路啊！靚仔！」在場人士隨即嚮應。
基仔換上禮服唱歌冧老婆
除了出盡百寶冧歌迷外，基仔也不忘出招冧老婆。在其中一個環節，基仔換上禮服與20位「新娘」以歌曲回顧他與Lorraine的情路，指自己過往一直為事業拼搏，直至結婚這5年才重新體驗戀愛的感覺，又謂老婆是他的最強後盾。
是晚基仔邀得容祖兒做嘉賓，並唱出《狂串樂基兒》，令全場high爆。
容祖兒做嘉賓，當然要唱《狂串樂基兒》
ADVERTISEMENT
送健之堂舒壓好眠足湯 x 石墨烯足浴袋
