日前袁偉豪開Live，心情好像一般般。
袁偉豪被指與fans拍完照變臉，日前他在big big Channel開live盡訴心中情，除了提及與fans拍照一事外，他更提到女友張寶兒。
他說︰「好多人覺得點解我同張寶兒一齊之後，就有咁多新聞，係咪張寶兒搞是搞非呢，我可以話俾你知唔係，但我好肯定話俾你知，我同寶兒一齊之後更加率直，更加直接，可能有啲客戶覺得袁偉豪太過直，係咪唔想再做嘢啦！我會盡量調教自己睇法同態度。」
提到變瞼一事，袁偉豪謂當日看到不少留言，其中令他難以釋懷的是有網民指發哥可以由頭笑到尾，認為袁偉豪是二打六，演技不精。他謂曾有想過留言回應，但最後都是關閉了該名網民留言。「有時覺得係咪自己太過火爆，有時睇到啲留言都覺得唔舒服，人嘛！其實我都好多謝佢哋，因為佢哋嘅負評會令我更加努力做好自己。」
ADVERTISEMENT
請你去迪士尼樂園玩！登記攞飛！
