許志安與黃心穎爆出車廂偷食，女方暫時未有回應，至於許志安則於晚上7點在銅鑼灣一酒店舉行記者會，並有Paco陪同。許志安一出場先向現場人士鞠躬，他哽咽說道︰「首先就今次記者會目的，我真係想親口、衷心向大家講對唔住，我又要為我嘅家人、Sammi家人、朋友，同錫我嘅人致萬二分歉意，因為自己做咗一件不可彌補、不被原諒的事，而呢個錯我深深反思自己，我係一個醜惡嘅人，所以今日我嚟呢度係想承擔負責！我當晚的確飲咗好多酒，我知道呢個唔係藉口去犯呢啲咁錯嘅事，我非常後悔，我好難面對、接受自己。
「睇完報導，我覺得自己好丟臉、好錯，好討厭、好嘔心、好陌生，我有深刻反思覺得點解唔可以控制自己，犯呢個錯誤，起咗呢個色心，我覺得喺承擔負責要分兩個部份，第一個部份，依家開始我會暫停所有工作，直至搵番真正同正確自己，從新去檢視自己做人。第二係心靈上，我覺得自己不知所謂，同埋因為我嘅錯誤、行為令我身邊愛我嘅人承受咁大壓力同痛苦！我希望在未來的日子，將所有我比我整傷過、痛過嘅人都可以好好…呢個報道令我深刻反思，其實最錯地方係迷失自己，最後，我要再一次向所有我愛的人，同你哋講，我令大家難堪，對唔住！對唔住Sammi！我唔知以後點樣走自己嘅路，呢一刻我係冇靈魂，我係一個壞咗嘅人，希望大家可以比時間我搵番自己，最後再一次同大家講對唔住！」
ADVERTISEMENT
請你去迪士尼樂園玩！登記攞飛！
