黃心穎發文表歉疚馬國明︰我已經冇嬲

黃心穎與許志安在車廂攬啜片段曝光之後，心穎在片中的「進取」行為，不但傷害了鄭秀文及馬國明，就連有她主演的劇集亦都即時被抽起，累及同劇的陳智燊及張振朗。昨日她在IG發文道歉，稱自己「不知道怎樣去面對馬明」。未幾，馬明亦都在電視城為事件開腔。

外表平靜的馬明在化妝間稍作準備之後，現身會見傳媒並謂得知事件之後，「好快冇嬲，好平靜，好擔心，我唔希望任何一個人受傷害。」他稱自己是唯一可以代心穎說話的人︰「其實我知道佢知自己做錯，佢都好想出來同大家講，公司就驚佢個情緒唔穩定，怕佢講錯嘢，於是冇安排佢出嚟。我只可以話佢仲係好年輕，仲有好多路要行，俾啲空間佢。」

馬明續指自己會繼續專注工作，不想劇集的進度受影響。他再說道︰「其實安仔講咗嘢，我都唔會發表任何意見，因為我覺得呢個世界冇人有資格發言，除了安仔太太之外，所以我想盡快平息就算。」

提到有傳媒找他的母親，馬明坦言希望大家不要騷擾他的家人，「我媽咪見到咁多咪會驚，可能佢會講錯，大家唔好將佢講嘅說話放大，因為佢係喺一個好驚情況講，所以我唔會就佢任何一句去回應。」最後他沒有回應是否已與心穎分手等提問。

至於心穎則在其IG發文道歉，她稱自己做了一件令人難以原諒的事，並就此向所有受影響的人士道歉。她寫道︰「我在此向所有受事件影響及受到傷害的人誠心由衷道歉。犯下如此嚴重的過錯，我無法面對自己，也不知道怎樣去面對家人、馬明、朋友、公司、同事......」她又謂不敢奢求大家的原諒，只懇求大家能給予所有受牽連的人一點空間。