搞網台殺出血路杜汶澤唔想做廢老

杜汶澤夥拍英皇新人楊天宇拍攝護膚廣告，並且在片中大開金口唱歌，不少網民大讚廣告商有眼光。阿澤早前亦曾說過︰「可能而家每個禮拜喺我自己個網台報新聞時，我都會錄首歌嘅關係，以至到有廣告商搵我嚟唱歌，真係犀利呀，呢次真係揚名立萬呀喂！」早前阿澤出席品牌活動，他就笑言︰「可惜就係有少少缺憾，有少少瑕疵，就係冇粗口，我自己有諗過整個粗口版擺喺自己個台播。」

問到楊天宇跟阿澤合作有沒有壓力，他說︰「即係攝影個啲知識，會點同副導演去交流，你就知佢超級專業」阿澤聞言︰「佢都好專業，扯左佢好多個TAKE，撞左執版好多下，佢都好挨到好痛，又冇話詐型，所以英皇個個新人都好好。」他又謂對方一定會是未來的梁洛施，因為以前梁洛施和阿澤拍完廣告之後，就紅了。

不少廣告商都有留意阿澤的網台，他也坦言接了不少廣告。「事實上做咗網嘅廣告多咗，個人廣告係多咗，即係比起以前做電影，仲好似仲多咗，咁即係證明個社會轉化咗。如果我哋啲老人家都唔跟隨社會走，咁就會變廢老。」阿澤說。