Marvel電影宇宙第三階段最終章、集11年之大成的《復仇者聯盟4：終局之戰》，今日終於率先在香港上映。以(盡量)不劇透的大前提下，冒著「死全家」的危險，羅列出以下5個入場前要留意的事項。(假如你連些少資訊都唔想接收，以免影響觀映過程，OK，請你看下一則新聞。)
(注意：每人對劇透的定義不同，擔心的話，就唔好碌落下面了。)
帶定紙巾
必會用到的，除非你淚點很高，對11年來所有Marvel電影都毫無感覺，又或者對感動、激動、悲傷、振奮等情緒反應絕對免疫，否則，都係帶定紙巾好。
彩蛋
Marvel電影慣例，必有一個或兩個彩蛋。今次《終局之戰》卻冇，唔係得一個，係一個都冇。之不過，台前幕後帶俾觀眾超過3小時娛樂，睇埋roller以示尊重亦好應該。
毋須重溫舊作
《終局之戰》上映前，坊間傳媒紛紛建議觀眾最好先重溫《美國隊長：復仇者先鋒》、《銀河守護隊》及《雷神奇俠2：黑暗世界》等舊作才入場，以免跟不上劇情。個人認為，假如早已睇過所有Marvel電影，就毋須刻意為《終》片而翻睇，事關一睇角色及場景布局，你就知是呼應哪一套舊作的情節。
準時入場
本來，睇戲就好應該準時入場。而今次之所以特別提醒各位，是因為《終局之戰》節奏頗快，一開場就立即交代某個角色的變化原故，萬一miss咗，肯定滿腦問號。
3小時膀胱大作戰
大家都知，《終局之戰》片長超過3小時，如果仲打算入場歎大大杯汽水，無疑是挑戰自己的膀胱容量。需知道並非睇Opera，不設「尿break」的。
ADVERTISEMENT
送健之堂舒壓好眠足湯 x 石墨烯足浴袋
