早前Toby的愛雀走失，連日來她在九龍塘尋找愛雀踪影。
陳庭欣(Toby)早前在社交網站開Po尋雀，她飼養的「月輪鸚鵡」Shabushabu日前在九龍塘附近意外飛走，Toby連日來在網上呼籲及貼街招，希望大家幫手留意，甚至把酬勞由1萬加至2萬。
Toby非常感激幫她尋雀的人。
及至今日，亦即是Shabushabu走失的第4天，陳庭欣收到喜訊，有住戶發現Shabushabu在窗口，於是把牠帶入家中，繼而通知Toby認領。 Toby尋回Shabushabu之後，非常激動，拍片交代時更一度哽咽，她在片中說︰「大家好！我終於同Shabushabu團聚啦！喺15、20分鐘之前，有人打電話，話有隻藍色鸚鵡敲佢哋個窗，佢哋就俾佢入咗去屋企，好感謝呢位劉小姐，我亦履行咗，劉小姐唔會要二萬蚊報酬，佢希望我會捐去愛護動物協會，呢方面稍後會同大家交代。依家最開心就係搵番Shabushabu，睇佢都冇受傷，佢都應該好累。」繼而她逐一多謝幫手尋雀的單位及人士。
