$20 $40 $60食到豊洲飛機貨特選肥美黑鮪

要品嘗幾片上等肥美拖羅，高級壽司店閒閒哋都要幾百元一碟，而以日本豊洲水產批發為食材基地的246食堂，將高級食材「平民食堂化」，一律壽司、刺身、炸物及鍋物以$20、$40、$60劃分，食堂老闆亦即豊洲水產主理人伊藤紘明，特選來貨達70kg以上的拖羅「黑鮪」，因其油脂特別豐富甘香，當中大三元壽司就可以一次過品嘗到黑鮪赤身、腹身及蔥花黑鮪腹身魚腩蓉，相當過癮。三個平民價加上分量適中，就算一個人放工醫肚或者朋友happy sharing都容易落order配搭，經濟之餘不用怕太大份，另有啤酒、威士忌氣酒、大吟釀、日本梅酒梳打、乳酸及果汁等，同樣以$20、$40、$60發售。