古天樂奪獎惹爭議網民︰對其他歌手公平咩?

今年叱咤「我最喜愛男歌手」由大熱門的古天樂奪得，古仔更專呈請假現身，為頒獎禮掀起高潮。畢竟大家事前講明「一人票推到古天樂上叱咤」，今次終於求仁得仁，不但台下觀眾，就連網民都驚喜萬分。

不過，有網民認為今次眾人投票予古天樂獲獎，對於其他歌手欠缺公平。他們認為過往一年入選的歌手都投入不少心血在其歌唱事業上，如今因為大家一時的快感，把獎項送予古仔，除了是抹殺其他歌手的努力外，還反影現今觀眾質素。有網民謂古仔N年前的《男朋友》不差，但他們指若然商台純粹為Gimmick而做，未來大可頒獎予其他另類歌手，或者在N年前有過一首好歌的歌手，有人更留言謂…「咁多歌手努力做音樂，結果係敵唔過一班玩嘢觀眾。係，票係大家投嘅，但投個班人嘅心態係咩自己心照，結果反映投票人質素，同香港人到底要啲咩?」

有部份網民則認為「我最喜愛歌手」一獎跟歌手是否努力無關，純粹是建基於人氣問題，不認為古天樂拎獎錯在哪裡，又指如果是比實力、比質素的話，古仔奪男歌手金獎才有問題。