由彭浩翔執導的賀歲片《恭喜八婆》，今日播出足本預告，片段打頭陣的有楊千嬅、林雪，林雪一句粗口嚇到千嬅彈起，事後她說是出自真實反應︰「雪哥中氣十足，現場又好靜，佢一轉身就大大聲同我講『四字真言』，我真係嚇到窒一窒，過咗陣先記得要講對白。」
之後故事就以梁洛施的人奶被人誤以為是低脂奶，於是用人奶沖泡咖啡給四哥飲用，四哥更飲得非常滋味，未幾就見到梁詠琪、陳逸寧、丁可欣、谷祖琳、邵音音、曾國祥等人出現。預告中陳逸寧問有份出演的Dada姨甥女小饅頭：「你幾多歲呀？要500蚊嚟做咩呀？」小饅頭即刻招積的表示：「儲錢買樓呀！」場面搞笑又令人無奈。陳靜就話姨甥女表演得好好：「四歲人仔，現場又有咁多人望住佢，佢都無點怯場，好叻女！」
唔止姨甥女小饅頭搶鏡，身穿低胸衣服的Dada在片中的飛撲片段更是非常吸引眼球，Dada自己看到片段都話「一額汗」：「拍攝呢場其實要吊威也，第一次拍真係有啲緊張，不過我好信任拍攝團隊，所以都放心俾佢地去處理，最怕反而係走光，做足所有安全措施先上場。」
