編按: 其實蕭正楠不妨考慮送求婚鑽戒給翠如吧。
蕭正楠(Edwin)與黃翠如一齊出席活動，實行寓拍拖於工作。翠如因為氣管收窄而失聲，全程都要男友代為發聲。雖然她有口難言，但仍落力交足表現，當Edwin唱歌時，她即高舉男友的名牌扮粉絲。
早前翠如聲稱想到芬蘭看北極光，盼Edwin能夠同行，Edwin卻表示忙於拍攝劇集，要待新年過後才有時間，他說︰「要睇下請唔請到假，我都明白睇北極光係要夾時間，否則就冇意思。」他又笑女友平日嘈嘈閉︰「淨係識擘大喉嚨嗌肚餓！」
由於聖誕忙於工作，他坦言會準備好聖誕禮物給翠如補數，並揚言會送車，「佢架車都舊啦，我可能送架車俾佢，但送車之前會送個駕駛改進課程俾佢，因為佢揸大車會好驚，所以要等佢個課程合格先送車。」
Edwin又透露，為了劇集其中一場除衫戲，近日努力keep fit，並謂晚餐只吃兩條蕉，暫時已經操出4塊腹肌，「依家個身形都收貨啦！我本身肥底㗎！」
Edwin稱有4塊腹肌，翠如即時驗貨。
ADVERTISEMENT
【👇送3M靜電空氣濾網體驗包4包👇】
