同KOL合作 Do姐化身網紅得姐

最近Do姐（鄭裕玲）為《無敵破壞王2：打爆互聯網》配音，今次Do姐霸氣聲演的爆紅網站BuzzzTube話事人得姐，她笑言得姐這個角色與自己十分相似：「大家都係眼光獨到啦！今次佢就睇中破壞王！仲有得姐造型百變，髮型衣著日日新款，同我一樣咁鍾意Shopping！」

除此之外，Do姐更率領全港一眾網絡紅人KOL配音，包括杜小喬、Hana小花譚杏藍、Jason 大J、屎萊姆、屎嫂程程和Miss Hunny，完全配合今集電影中不停穿梭的一個個人氣網站和網絡紅人，仲有游學修和袁澧林幫口，更特別邀請了糖妹和蘇麗珊再度聲演《魔雪奇緣》的安娜和《魔海奇緣》的慕安娜。

第一次為動畫配音的游學修認為配音與演戲最大分別在於今次完全是用聲音去講故事，比演戲誇張好多，情緒起伏較大，幸而配音現場有專人指導，令佢獲益良多。