卓林同Andi結婚吳綺莉︰冇乜接唔接受

吳綺莉對Andi的印象向來欠佳，今次卓林與Andi結婚，不少網民都替吳綺莉難過，更認為卓林此舉是專登激阿媽。而吳綺莉對於女兒結婚一事，就表現冷靜，並謂︰「冇乜接唔接受，每一樣嘢都順其自然啦。」但避談對Andi的看法。

她說︰「心情?我聽日開工呀!點樣睇? 冇乜點睇。每一個人都想每一個人好嘅，點解唔祝福人呢？」又指前日已與卓林見面。問到會否跟卓林食飯慶祝她結婚，吳綺莉就謂一切待她完成手上工作再說。對於女兒財困一事，她亦都避談，並謂跟女兒是最好的朋友。