薛凱琪(Fiona)近日和粉絲前往兒童院舍中心，除了幫小朋友開生日會，還跟他們一起做勞作、唱歌、玩遊戲、派禮物，而且更開心是，不只她投入這個活動，粉絲們也同樣投入，令她非常感動。
Fiona對著可愛的小朋友，愛心盡露。
Fiona這次到兒童院舍為小朋友開生日會，她說：「我一向都好鍾意做一啲關於小朋友、老人家、動物、環保嘅有意義活動，我嘅粉絲都好支持我，所以每次粉絲聚會，好多時都係去做呢類型嘅活動。」Fiona指，不少粉絲做完這次探訪後，覺得滿足感很大，她續說：「啲粉絲已經急不及待，問我幾時再有下一次。」
改變社會由孩子開始
Fiona又稱，其實一有空間時間，就會找不同的慈善機構合作，Fiona說：「好多機構會安排我哋做探訪兼做義工，今次選擇同小朋友有關嘅慈善機構，係因為覺得小朋友就係社會嘅將來，將來呢個社會有幾和諧，有幾多正能量同多環保，都是由小朋友開始。」
感染粉絲做慈善工作，令Fiona非常感動。
ADVERTISEMENT
【👇送3M靜電空氣濾網體驗包4包👇】
