恭喜！恭喜！一直有傳鍾嘉欣已經誕下B仔，昨日終於由她親自向大家宣布喜訊，並把照片上載至網上和大家分享。鍾嘉欣亦已經為B仔取名，英文叫Jared Anthony Leung，同時她又透露自己在家中分娩，整個過程非常難忘。
鍾嘉欣雖然沒有透露B仔的出世日期，但她透過錄音短訊跟大家介紹囝囝Jared，她說︰「佢算係一個大B，重7磅14安士，有好多頭髮，好似家姐Kelly！全家人都以為我生咗個龍鳳胎。」
她指整個生B過程非常順利，同樣是順產並坦言「真係好痛、好痛、好痛」，但今胎比較特別的是在家中分娩。她說︰「因為加拿大好支持自然分娩，我好感恩有一班好好嘅助產士，佢哋俾好多專業嘅意見同情緒支援，教咗我好多技巧點樣令生BB嘅過程更加安全同順利，以及更加相信去聽自己個body去生BB。我同老公商量完，就選咗呢個方法，今次絕對係一個好難忘嘅經歷，可以同個仔一齊，同屋企人一齊。」
現正坐月的她表示除了忙於照顧Jared外，還花多些時間在Kelly身上。她說︰「依家休養緊，照顧個仔啦，最緊要照顧家姐Kelly，始終多個BB，要擺多啲時間喺佢身上，確保佢OK。」她又指希望很快可以再和大家見面，並多謝大家關心。