陳茵媺指，與陳豪有共識，不排除再追B。
陳茵媺、楊思琦、朱千雪、關之琳和陳法蓉等，前晚在灣仔出席慧妍雅集的36周年慈善晚會，陳茵媺又再被追問「封肚」一事，她稱不能答實一定「封肚」，因為她與丈夫陳豪都愛小朋友，但想全心全意照顧好3位子女，而且又開始陸續參與幕前工作，所以有機會才會考慮追B。
久未出席公開場合的關之琳，亦有到場支持慧妍雅集。
早前宣布「封肚」的陳茵媺笑言，與陳豪在這方面有共識：「唔敢講完全唔生，我哋都好鍾意小朋友，有可能等啲仔女長大一啲再決定，因為依家要照顧3個小朋友都好吃力，想先集中精神湊好佢哋先。」她又透露自己近日開始復工：「其實陸續會拍電影、拍廣告同接劇本，不過依家要開始瘦身先。」 提到母親節將至，問她如何慶祝，陳茵媺直言：「一家人簡簡單單食飯，仔女整張心意卡俾我已經好開心。」
楊思琦指，母親節只會簡單吃餐飯慶祝。
楊思琦自嘲廚藝不及女兒
至於楊思琦如何慶祝母親節，她說：「我好簡單，每年都係同媽咪、個女食餐飯一齊過。」問到可有期待當天女兒送上驚喜，楊思琦笑說：「囡囡鍾意畫畫，應該會畫一幅全家福俾我，佢年紀仲細呀，仲未識買禮物。」日前楊思琦跟女兒一起下廚，她直言很開心：「囡囡喺學校學識整甜品，佢好有天份呀，廚藝仲比我好。」
ADVERTISEMENT
送健之堂舒壓好眠足湯 x 石墨烯足浴袋
