Ad Block Ad Block
健康
2019-10-09 12:30:00

偽科學

分享:

人喜歡說謊,或者大家都知道。但關於喜歡被騙,又是甚麼原因呢?基本上是為了滿足心中的假希望。

披唇:有個治療師話我磁場唔好,要通一通,做一個生物電流。

柴醫:而家不少美容院喜歡用磁場、能量、負離子,來包裝治療,增加説服力,令成件事好科學、好真實,唔好信晒啊。

披唇:還有最新納米儀器,探測身體內瘀阻,坐喺張櫈就可以預防中風,排毒。

柴醫:靠嚇也是一種銷售技倆,望吓個樣,面紅紅就話快中風,唔好信到十足啊。

披唇:如果傳統中醫,結合現代科技,真係無敵啊!柴醫,你成日咁多諗頭,有無乜嘢新產品可以造福人群啊?

柴醫:你問得好!有啊!結合物理學的最新的蟲洞概念,配合傳統中醫穴位,最新的穴位蟲洞拖鞋,你睇!

披唇:一對爛拖鞋咋喎……穿晒窿……你唔好呃我喇!

柴醫:😆😆😆原來做神棍都唔係咁易。

請接受以下私隱政策及免責聲明,以示你同意am730內之私隱政策及免責聲明。了解更多
接受