瀬尿牛丸

男披唇：柴醫，除了食中藥，有無方法長命啲？

柴醫：切睾丸，有研究發現，古代太監比一般男性長命14至19年，在研究的81名太監中，還有三名活到100歲以上。

男披唇：哇，怪不得啲貓狗剦了以後都長命啲。

柴醫：係啊，切除牛丸後，脫髮問題都會解決，唔使植髮，唔使怕地中海，少些DHT攻擊髮囊。

男披唇：愈講愈多好處喔，仲有無啊？

柴醫：仲可以預防前列腺癌添啊！

男披唇：咁柴醫你切咗牛丸未啊？

柴醫：你傻的嗎？無啦啦切牛丸！

男披唇：😂😂😂你笑到我差點瀨尿！