以脈試醫

新症為了測試柴醫醫術，往往用打脈來考驗他。

柴醫：請問你有甚麼不舒服？

披唇：你打下脈先。

意思即係要柴醫只靠打脈就説出病人的主訴與問題。無難度！

柴醫：你年紀細過父母，大過你個仔，唔飲水會口渴，瞓之前好攰，瞓醒個口仲好臭。

披唇：係喔！真係有料到！

柴醫：😂😂😂

後記：好多人睇得戲多，以為中醫打脈乜都知，有時仲想連驗孕棒都慳返，想靠打脈驗孕，邊有可能啊！😂😂😂