女披唇：柴醫，我筋膜炎，之前左腳，而家右腳都痛埋。
柴醫：針灸，食藥都可以幫到一些。肝主筋、腎主骨，當有返咁上下年紀，腳部就會有些勞損退化，引起筋膜炎。
女披唇：同腰有無關係㗎？
柴醫：腰側彎、盆骨不對稱、扁平足、高弓足、膝蓋退化，都會讓兩隻腳板底受力不均勻，導致大細腳，其中一隻重心腳可能因為筋膜張力過大而誘發筋膜炎，當痛得耐，痛腳不敢發力，就會波及另一隻腳，同時發炎。
女披唇：今日診斷可以寫頭暈，我聽到暈暈地。😫
柴醫：😝我開一樽足浴粉畀你泡腳喇，裡面有舒筋活絡的中藥。其實你泡真係好抵。
女披唇：點解？
柴醫：其他人都是泡一隻腳，你兩隻腳發炎，一齊泡，幾抵啊！😂😂
女披唇：😫😫😫😫