半年一度的一田購物優惠日又嚟啦，定於11月27日至12月2日一連6日舉行，全港11間分店及8個特別展場同步勁減，北角新店亦首度同步發售部分勁減食品。今年係首次延長優惠日日期，由5日加碼開至6日，兼提早1小時開店，第2日起開店時間由以往早上11時提早至10時開店，收店時間亦作出調整至下午8時，方便顧客搶購心水筍貨。
今次優惠日搜羅過萬件極筍貨低至2折起發售，全方位涵蓋衣食住行，包括精選食品、家品、嬰兒用品、潮物玩意、家電以至人氣服飾等，更精心打造3大優惠滿瀉區︰「1折震撼區」、「2折起電視區」及「29周年激筍貨」；以及3大勁減主題︰「人氣潮食雜貨」、「獨家Character潮服家品」、及「$300有找獨家護膚美妝組合」。
相信11月28日限定1折筍貨首先成為瘋搶目標，24款共6,500件1折貨等你秒殺，包括新增多款1折名牌廚具等。今次亦集合超過30款人氣Character床品、旅行喼、家居服和精品，低至29折起筍價發售，十足十萌爆Character大晒冷！而想以低價平食貴價新鮮食材，今次亦係大好機會，例如自家炮製高質和牛海鮮盛宴！